Learn English from Movies
Categories:

Learn English from Movies: English Sikhne ka Sabse Entertaining Tarika

Har koi English toh sikhna chahta hai magar kitabe kholana sabko pasand nahi. Toh aaj hum aapko ek aisa entertaining tarika batayenge hai jo aapko English sikhne mein help karega, wo bhi bina kitabe khole. Janana chahte hai kya? Ji han! Wo hai learning from English movies. Khud sochiye entertainment ke sath English learn karenge toh kitna maza aaega. But sabse important sawal hai akhir kyun movies dekhte hue English learn kare? Ya kaise movies ki help se English learn kare? 

Learn English from movies

Kyu movies se English learn karna better hai? Why is learning English from movies beneficial?

Jab bhi hum yeh sawal karte hai ki akhir kyu learn karni chahiye English from movies, toh uske 7 important reasons hai jo ye proof kar dete hai ki movies se English learn karna books ke comparative bahut majedaar aur laabhadaayak tarika hai.

1. Aap real English sikhte hai

Chahe textbooks aapko bahut knowledge deti hai, but fir bhi aap movies ke through actual English learn kar sakte ho na ki typical bookish English. For example: aapne English learning books mein chahe ye padha hoga ki kaise aap ek line different vocabulary use karke bol sakte hai. Jaise hot weather ko hum keh sakte hai “There’s not a cloud in the sky”. Yeh line chahe sahi ho par hum kabhi English bolte waqt yeh line nahi use karte. Aise kai aur short phrases hai jaise how are you ki jagah puchna what’s up? Ya is everything okay with you? Ya fir How are you holding up? Aise saare phrases jo movies mein use kiye jate hai wo shayad hi aapko textbooks mein mile.

2. Better pronunciation 

Aisa mana jata hai ki English language mein hum sirf 7% baat words ke through express karte hai aur baki ki 93% baat humare bolne ke dhang se communicate hoti hai. Kai baar book se koi word padh kar hum samajh nahi paate ki uss word ko kaise bole hai ya pronounce kare. Aise mein hum Google ki help se uski pronunciation sikh sakte hai. Magar jab aap movies ki help se English learn karenge toh aap movie dekhte dekhte hi sun sakte hai ki kaise wo word pronounce kiya jata hai. Aur toh aur movie dialogues aap ki help karenge words ki correct sound jaanane mein.  

 Better pronunciation

3. Words ko relate karte hua English sikh sakte hai

Aap jab bhi koi naya word sikhne ki koshish karte hai, toh aksar usse English bolte waqt bhul jate hai. But agar aap movies ki help se koi word sikhte hai toh aap uss word ko kisi context se relate karte hua yaad rakh sakte hai. Iske aapki uss movie genre ki context knowledge bhi badegi. For example: aap koi thriller English movie dekh rahe hai, usmein main role ek detective ka hai. Aise aapko crime, detective inn sab chizo se related naye words sikhne ko milenge jaise ‘ forensics’, ‘investigation’ etc. aur toh aur aap unhe movies se relate karte hua yaad rakh sakte hai.
4. Hum sun kar aur dekh kar language jaldi adopt karte hai 

Ye toh bahut basic fact hai ki insaan jo sunega aur dekhega wahi adopt karega. Ye baat toh humare bachpan se bhi relate karti hai. Jab hum bolna sikh rahe hote hai, tab hume koi kitabe nahi padhai jaati, balki humare ghar mein se koi hum bol kar words sikhata hai aur hum usse sun kar sikh jate hai. Waise hi jab hum English movies dekh kar words jaldi adopt karte hai. Baar baar English movies dekhne se aap ka dimag apne aap usse adopt karna shuru kar deta hai. Jisse aap words yaad rakhte hai aur fir unhe use kar pate hai. 

5. Ye method entertainment ke sath sath kuch naya sikhne ka mauka deta hai

Kon nahi chahega ki wo kuch naye ek interesting aur entertaining way mein sikhe. Movies ki help se aap entertainment ke sath English learn karna sikh sakte hai. Movies se hum sirf English hi nahi sikhte, uske saath saath movie jis context ya type ki hai uske baare mein bhi jante hai. Suppose agar aap koi historic movie dekh rahe hai. Toh aap English sikhne ke saath saath history aur uss sadee ke culture ke baare mein bhi jaan sakte hai.

Learn English from Movies

6. English accent sikhne ka mauka milta hai

Kariban world ke 1.75 billion log English language ka use karte hai. Aise mein sabke accent yani words bolne ka tarika same nahi hota. Aapne bhi suna hoga American accent ya Australian accent ke baare mein. Aise hi mostly har country ka ek alag accent hota hai. Toh aap jiss country ki movies dekhenge, usse aapko uss country ke accent ko sikhne ka mauka milega. Koshish kare shuruaat mein aap ek hi accent ki movies dekhe. Warna alag alag accent ki movies aapko confuse bhi kar sakti hai. 

learn English Accent

7. Movies mein subtitles, pause and rewind jaise bahut ache feature hote hai

Movies dekhte dekhte English sikhne ki best baat ye hai ki jab kuch samajh na aae tab aap movie pause aur rewind karke dubara sun sakte hai. Aur toh aur iske saath aapko subtitles ka option bhi milta hai jiski help se aap words samjh sakte hai. But yehi jab aap kisi class mein English sikhenge toh baar baar ek hi sawal nahi puch paenge ya ho sakta hai jo words teacher bole wo kahi se padh na pae. Iss baat ka jitna bada fayda hai uske saath ek drawback bhi hai. Baar baar pause aur rewind karke movie ka maza toh kharab hoga hi, ussi ke saath language sune ka flow bhi kharab ho jata hai. Toh koshish kijiye ki aap baar baar pause aur rewind karke words na sikhe. Balki ek flow mein unhe situation se relate karte hue samajhne ki koshish kare. 

Kuch Step by Step Tips movies se English Sikhne ke liye

Ab ye toh hume pata hai ki kyu movies se English learn karna helpful hai. Ab hum janenge ki kon kon si baatein hai jo dhyan mein rakhni chahiye movie dekhte samay taki aap aur better tarike se English sikh pae. Aapki aasani ke liye humne step by step tips niche batai hai. Let’s know some tips to learn English from movies:

Step 1: Apne Pasand ki Koi bhi Movie Select Kare

Ek sabse important step hai movie select karna. Issi step par depend karta hai ki aap kis level tak movies ki help se English samajh payenge. Agar movie aapke interest ki hogi ya aapko samajh aa rahi hogi, tabhi aap English aasani se sikh paenge. 

Tip 1: Apne interest ki movie dekhne ke liye chunen

Agar aap abhi English sikhne mein naye hai toh ye better hoga ki aap apne interest ki koi movie select kare. Agar aap pehli baar mein hi koi boring movie select kar lenge toh aapka movie mein interest nhi ban payega aur aap kuch naya nahi sikh payenge. Toh yeh better hoga ki aap koi apne interest ki movie select kare. 

Tip 2: Bahut mushkil English wali movies dekhna avoid kare

English movie dekhte waqt aapko uski storyline aur dialogues samajhaana important hai. Warna aapka movie se English sikhne ka motive pura nahi ho payega. Agar aap confuse hai ki konsi movie se start kare toh aap animated movies se start kar sakte hai. Unke dialogues bahut regular language mein hote hai. Jo ki samajhne mein asan hote hai. Animated movies bacho ke sath hi bahut sare adults bhi dekhna pasand karte hai. Humne kuch simple movies ki list aapke sath iss article ke end mai bhi share kari hai. 

Learn English from Movies

Step 2: Subtitles select kare

Kariban har movie ke audio option mein ja kar aap subtitle on kar sakte hai. Subtitle unko bola jata hai jo dialogues movie screen par niche likh kar aate hai. Subtitle ka sahi use kaise ho sakta hai, iske liye niche batai 2 tips padhe.

Tip 1: Subtitles ka sahi dhang se use kijiye

English movie dekhte time subtitle on karne ka idea acha hai, magar tab tak jab aap dialogue sunne ki jagah padhne na lag jaye. Log mostly subtitle ki help se dialogue sunne ki jagah padhne lag jate hai. Jisse unhe padh kar toh English samajh aati hai magar sun kar wo words nahi samajh pate. Movies ki help se English tab hi improve hogi jab aap usse sun kar samajhne ke koshish kar paenge. Agar apko koi word samajh na aae toh sirf tab hi subtitle ki taraf dekhiye. Agar aapki movie ke audio option mein subtitles ka option nahi aa rha toh aap usse online available sites se download bhi kar sakte hai.

Tip 2: Dual Subtitles ka use kijiye

Yaha dual subtitles se humara matlab hai 2 language ke subtitle. Mostly har movie ya Tv show ke audio options mein dual subtitle ka option hota hai. Iss option ko on karke aap 2 language ke subtitle ek saath dekh sakte hai. Jaise upar English mein dialogue likhe honge aur niche hindi ya koi bhi regional language jo available hai.. Iss option ki help se aap dialogue ko dono language mein samajh lenge. But har movie mein aapko ye option nahi milega

Subtitles

Step 3. Movies Dekhte waqt ki learning strategy

Kuch aisi tips bhi hoti hai jo aapko movie dekhte waqt dhyaan deni padti hai. Jaise words ko kaise samajhna hai ya fir yaad kaise kar sakte hai. Aaiye jante hai isse related kuch tips:

Tip 1: Google, Dictionary ya Thesaurus apne sath rakhe

Pehli baar English movie dekhne par ho sakta hai aapko kuch words ka matlab samajh na aae. Aisi situation ke liye humesha phone (jismein google chal sake), dictionary ya thesaurus apne pass rakhe. Jo word samajh na aaye waha movie pause karke usi waqt search kare. Isse aapko dialogue samjhne mein mushkil nahi hogi.

use dictionary or thesaurus

Tip 2: Movie Journal bana lijiye

Jo naye words aap movie dekh kar sikhe usse ek movie journal mein likhle. Taaki future mein aapko saare words yaad rahe. Issi ke saath har baar jab bhi wo journal khole toh kuch words ko repeat karne hi habit daal le. Yeh ek perfect way hota hai unhe yaad karne ka. Aisa karne se aapko wo word jaldi yaad toh hoga, sath hi uski sound ya usse kaise bolte hai ye bhi samjh aaega. For example: apne kisi movie mein clueless word suna, jiska matlab hota hai kisi particular topic ki knowledge na hona. Iss word ko apni movie journal mein bhi likhle aur iss word ko ek ya do baar repeat kare.

Learn English from Movies

Tip 3: Kam se kam 70% movie samjhne ki koshish kijiye

Jab bhi aap koi movie pehli baar dekhte hai toh chances hote hai ki aapko kuch words samjh na aae, chahe wo actor ke accent ke karn ho ya chahe koi aur reason ho. Puri movie samjhana zaruri nahi hai. Agar aap ek movie ko 70% bhi samajh lete hai toh kaafi hai. Aap ek aur baar wo movie dekh sakte hai, fir zarur aapko puri samjh aaegi. 

Hollywood movie posters: Learn English From Movies

Tip 4: Pehle book padhe fir movie dekhe

Aise bahut saari novels hai jin par based movies banai gai hai. Jaise ‘Fault in our stars’, ‘Little Women’ ya ‘Harry Potter’. Toh aap try kare ki pehle novel padhe fir unpar based movie dekhe. Isse aapko book reading ke benefits bhi milenge aur movie bhi ache se samajh aayegi. Aur jab aap aisa karnge tab aapki reading aur listening skill dono achi hogi.

Step 4: Movies Khatam ho jane ke baad ki strategy

Aapka English learning ka safar sirf movie dekhne waqt tak nahi hota. Balki kuch aisi chize hoti hai jiska aapko movie dekhne ke baad bhi dhyaan dena hota hai. Unhi chizo se related niche humne kuch tips batai hai.

Tip 1: Apni Journal ko regularly revise kare

Ek baar word journal mein likhne se ya ussi waqt bolne se aapko wo word hamesha ke liye yaad nahi ho jaega. Aapko uss journal ko revise karte rehna hoga. Taki aapko words aur phrases yaad rahe. Ho sake toh ek aadat bana lijiye ki har hafte ya 15 din baad apni journal revise kare. 

Tip 2: Wapis movies dekhe bina subtitles ke 

Jab aap subtitles ke saath movie dekhte hai, tab aapko puri movie samajh aati hai. Isliye agar aapko movie achi lage toh usse pehle ek baar subtitles ke saath dekhe aur fir dusri baar bina subtitles ke. Aisa karke aapko sab samjh aaega ki aapko kitne dialogues samajh aae hai aur English bhi improve hogi. 

Tip 3: Movie ki summary likhe apni journal mein

Ek habit bana lijiye ki jab bhi koi movie dekhe, toh uske baad apni journal mein khud uski summary likhle. Isse aapki writing skills ki practise hogi. English sikhte waqt hume apni reading, listening aur writing, sabhi skills ki practise karni chahiye.

Tip 4: Role play games khele 

Ye tip kaafi interesting hai. Koi bhi movie jo aapko pasand aai ho aap uska ek roleplay bhi kar sakte hai, apne friends ke saath. But dialogues aapko English mein hi bolne honge. Isse aapki memory bhi sharp hogi aur maaza bhi aaega. 

8 recommended movies to watch to learn English- 8 Movies recommendation jo aapki English sikhne mein help karengi

Agar aapko samajh nahi aa raha ki konsi movies se shuruaat kare toh bahut types ki movies jise movie genre bhi kaha jata hai, online available hai. Hum aapko fir bhi kuch suggestions de rahe hai, jo aapki English sikhne mein help karengi. 

  1. Harry Potter Series: Harry Potter Series, J.K. Rowling dwara likhi gai novel par banai gai hai. Agar aapko kuch magical type ki movie dekhni hai toh aap yeh dekh sakte hai. Ye movie series mostly sabki favourite hai. Aur iss movie ke through aapko bahut se naye words sikchne ko milenge.

Harry Potter Poster

  1. There’s Something About Mary: American comedy movie dekhni ho toh ye ek acha option rahega. Chahe yeh movie thodi purani ho, but aaj bhi log isse utna hi pasand karte hai. Iski language bhi kuch zayda mushkil nahi hai samajhne ke liye.

There's Something about Mary

  1. Twilight: Agar aapko teenage romance thode ke horror touch ke saath koi movie dekhna pasand hai toh aap author Stephanie Myer ke novel based movie, Twilight dekh sakte hai. Yeh movie bahut easy american English mein banai gaii hai. Jo aapko bahut asani se samjh aa jaegi. 

Twilight poster

  1. Toy Stories: Animated movies mein se aap Toy Story select kar sakte hai. Iss movie ke teen parts hai aur ye ek kaafi popular movie hai. Though ye movie bacho ke liye hai. But yehi iski khas baat hai. Ismein bahut basic vocabulary ka use kiya gaya jo ki as learner aapke liye achi baat hai.

Toy Story poster

  1. Avengers: Agar aap Sci-fi yani science fiction movies mein interested hai toh aapke liye Avengers bhi ek option hai. Yeh movie bahut hi famous hai. Aur mostly har kisi ko iski easy language ke karn yeh movie dekhna acha lagta hai.

Avengers Poster

  1. Jurassic world: Sirf Sci-fi movies dekh kar agar bahut hi maza aata hai toh Jurassic world dekhna mat bhulna. Yeh movie dekhte waqt aako maza toh aaega hi, magar iski ke saath aap bahut saare scientific cheezo se jude words sikh paenge. 

Jurassic world Poster

  1. Star wars:  Hum movies ki help se alag alag accent bhi jaan sakte hai. Agar aapko American accent sikhna ho toh aap Star Wars series mein se koi bhi movies dekh sakte hai. 

Star wars Poster

  1. Beauty and the Beast: Ladkiya toh disney movies se bhi shuruaat kar sakti hai jaise cindrella ya Beauty and the Beast. Disney movies ne bahut hi options diye hai aise magical movies dekhne ke. 

Beauty and the Beast

5 TV Shows to watch to Learn English- 5 TV Shows Jo English Sikhne mein help karengi

Agar aapko web series dekhna zyada pasand hai toh aap web series dekh kar bhi English sikh sakte hai. Kuch web series ke option humne aapke liye niche diye hai. Asha hai wo aapki sahaayata karengi.

  1. Gossip Girl: Gossip Girl ek American TV show hai, mainly teenagers ke liye. English learn karne ke liye yeh show isliye recommend kiya jata hai kyuki har episode ke starting aur ending mein narrator sab repeat karta hai. Aur to aur normal conversation phrases ka use kiya gaya hai, jo ki aap bhi apni daily life mein use kar sakte hai.   

Gossip Girl

  1. That 70s Show:  That 70s Show mein aapko simple English sune ko milgi. Jo ki aap roz ki baat chit mein use kar sakte hai.

That 70s Show

  1. Friends: Friends show Sitcom (Situational Comedy) ki category mein aata hai. Aur aise mana gaya hai iss category ke shows sabse aasan hote hai shuruaat mein English learn karne ke liye. 

FRIENDS Show

  1. The Simpsons: Animated show se English sikhne ka option hamesha labhdayak hota hai. The simpsons unn mein se ek hai. Aise shows mein jo vocabulary use ki jati hai, wo bahut hi easy hoti hai samajhne ke liye. Toh jo abhi English sikhna start kar rahe hai unhe yeh zaroor dekhni chahiye.

The Simpsons

  1. The Big Bang Theory: The Big Bang theory ek bahut hi majedaar show hai. 12 seasons ke saath aap ghanto English learn karne mein busy rahenge. Iss show mein use ki gai vocabulary bahut clear aur understandable hai. Ye ek plus point hai ki aap aasani se English samajh kar sikh sakte hai.  

The Big Bang Theory

Upar batae gaye points se yeh toh pata chal gaya ki Movies ya Tv shows dekh kar English learn karne ka aasaan tarika hai. Entertainment ke saath saath aap kuch learn bhi kar sakte hai. Toh kis baat ki wait hai, decide kar lijiye ki konsi movies se start kaarana chahenge aap learning ka safar.