Hum sab har samay habits ki baat karte hai, ki good habits rakho toh life mein successful banoge. But kya aapne kabhi soocha hai konsi habits aasi hai jo hume super successful bana sakti hai? Iss article ki help se hum aapko 11 aisi habits ke baare mein bataenge jo successful banane mein aapki help karengi .
Habits hoti kya hai?- Meaning of Habits:
Habits humare behaviour pattern ko bhi kaha jata hai, jise hum hindi mein aadat bhi kehte hai. Hum saara din hum kya karte hai aur kaise ek situation mein react karte hai, ye sab humari habits mein include hota hai. Hum aksar sunte hai kisi ko din mein ek ghanta books padhne ki habit hai toh kisi ko rooz subah jogging karne ki. Habit kisi bhi tarah ki ho sakti hai achi ya buri. Aap ko life mein successful banne ke liye achi habits hi apnani chahiye.
Hum habits ki itni baat karte hai, ki habits life change kar sakti hai ya successful bana sakti hai. Successful insaan ki kya habits honi chahiye yeh tak search karte hai. But jab hum habits ki existence ya habits kaise change hoti hai iski baat karte toh hum sab doubtful ho jate hai. Kuch chize aap roz bina soche karte hai, jaise subah uth kar brush karna, ya fir mobile par notification aate se mobile check karna. Ye chize aapki habits ban gayi hai. Aapko shayad reason nhi pata hoga ki aap kuch jo activities bina soche karte hai woh kyun karte hai. Charles Duhigg ne apni book The Power of Habits mein humare inn sabi sawalo ke jawab diye hai. Charles ne iss book ke through habits formation aur habits kaise change hoti hai yeh sab samjhaya hai.
Why are habits important to be successful in life?; kyu achi chizo ki aadat zaroori hai successful hone ke liye
Habits wo hoti hai jo bina sooche aap roz karte ho. Ye karne ke liye koi aapko bolta nahi hai. Magar fir bhi aap karte hai kyuki wo aapki aadat ban chuki hoti hai. Aisee mein life ko successfully build karne mein habits sabse important role play karti hai. Humare liye yeh janana bahut important hai ki konsi aisi habits develop kaarani chahiye jo hume aage badhne mein help kare. Konsi achi habits se hume apne goal ko achieve karne mein guidance milegi, James clear ki book- Atomic Habits aapko ye batane mein help karegi. Iss book ki help se James ne loggo ko habit loop ke baare mein samajhna chaha hai.
Basically habit loop 4 steps mein divide hota hai, Step 1: Cue , Step 2: Craving, Step 3: Response aur Step 4: Reward. Aap koi bhi habit form karte ho sirf uske end reward ke liye. Iska ek important example hai phone use karna ya constantly check karne ki aadat hona. Jaise aap ko phone par koi message aata hai wo cue hota hai yani curiosity hoti hai wo message dekhne ki. Ye habit loop ka pehla step hai. Fir aapko message ki craving hoti hai, ye habit loop ka second step hota hai. Jaise hi aap wo message padh lete hai wo response ho jata hai uss activity ka aur end mein as a reward aapko satisfaction milti hai. Suppose kariye aapko koi buri habit khatam karni hai, toh aap usse first stage par hi rok sakte hai. Ya khud ko divert karke ek achi habit start kar sakte hai. Example: aap ko smoking ki habit change karni hai, iss case mein aapke liye best hoga agar aap iss habit ko cue stage par apna dhyan divert karke stop karde.
Habits to be successful; Habits life mein successful banne ke liye
Har ek kam jo hum apni daily routine mein karte hai wo kabhi na kabhi ja kar humari habit ban jati hai, chahe wo aachi ho ya buri. Isliye hume sabse zyada dhyan dena chahiye hum kab kya kar rahe hai. Charle Duhigg ke according humare dimag mein ek habit loop ban jata hai. Jaise hi wo habit loop active hota hai humare brain ka decision making part sleeping mode par chala jata hai. Jiske karn hum unn habits ko continue rakhte hai chahe wo buri ho.
Isiliye aapko dhyan rakhna hai aap apne daily routine mein kya karte hai kya nahi. Niche 11 aisi habits hai jo aapko successful bane ke liye adopt karni zaruri hai.
- Exercise and meditation:
Successful logo mai exercise aur meditaition ki habit ko common paya gaya hai. Exercise insaan ki physical fitness ke liye zaruri hai aur mediation mental fitness ke liye. Regularly exercise karne se aapki body fit rahegi aur aapka energy level bhi high rahega jisse aap jyada lambe samay tak productive reh sakte hai.
Meditation ke bhot saare benefits hai aur success paane ke liye mentally healthy rehna bahot hi zaruri ho gaya hai. Mediation aapko sirf relax rehane mai hi help nhi karega balki stress aur anxitey ko bhi kam karega. In sab se aapke negative emotions bhi kam rahenge aur aap positive feel karenge.
Toh agar aap khud ko life mai successful dekhna chahte hai toh excercise aur meditation ko habit banana important hai. Jyada nhi toh din mai 15-20 mins meditation aur aadha ghanta exercise karne se aap khud hi change feel karenge. Toh kal ka wait kyun kaarana aaj se hi inhe apni habit banaye.
- Healthy Eating Habits:
Healthy khana insaan ko physically fit rakhta hai aur uski immunity bhi strong banata hai. Aaj ke time mein unk food alag alag bimariya faila raha hai aur mujhe nahi lagta ek bimar insaan successful ho sakta hai. Isliye hume life mein aisi habits dalni chahiye jo hume success ke path par focused rakhe.
For example: jab aap kuch fried khana khate hai toh aapko obesity jaise disease ho sakti hai, jiske result mein aap ka focus apne kaam aur goal se shift ho kar apni bimari par ho jaega. Wahi agar aap ek balanced diet ( fruits, dal, hari sabzi) khaenge, aapki health aur immune system dono fit rahega aur aap better tarike se focus kar paenge.
Shuruwat ke liye aap diet mein thode thode changes kar sakte hai. Jaise time par khana khae aur din mein jitna zyada paani pee sakte hai utna peena.
- Apna Attitude Change Kare:
Life mein hone wale har task ke liye aapko apna attitude positive rakhna chahiye. Positive attitude, failure se sikhna, apni growth ko dusro se compare na karna, yeh sab ek successful insaan ki habits hoti hai.
Sabke goals life mein alag alag hote hai aur unn goalss tak pahchne ke raste bhi. Isliye hume apni growth dusro ki growth se compare nahi karna chahiye kyuki yeh habit hume stress ke ilawa kuch nahi dega.
Wahi agar hum baat kare ki failure se kaise learn kare toh hume kabhi bhi apni ek failure ke kaaran apne goals ko chodna nahi chahiye. Ulta unn galtiyo se sikhna chahiye ki kaise hum chizo ko sahi kar sakte hai. Jab kuch aacha karne jaoge toh kuch galtiya bhi hongi hi. Failures ko accept karke sikhna thoda mushkil zarur hai, magar bahut laabhdayak.
- Roz Subah Uthna; Rising Early:
Aisa mana jata hai ki subha suraj ki roshni ek positivity le kar aati hai, shayad yehi ek kaaran hai jitne successful person hote hai wo rooz subha jaldi uthte hai. Iska matlab yeh nahi hai ki aap sab subah 5 baje uth jae. Yeh aapko apni body ke according decide karna hai konsa time best hai aapke liye. Aapne yeh dekha hi hoga ki jiss din aap late uthte hai din kitni jaldi beet jata hai aur aap kuch useful bhi nahi kar pate. Saath hi saath aap har time bahut lazy bhi feel karte honge. Wahi agar aap subah jaldi uthe toh saara din motivated rahenge aur aapke pass activites jaise pure din mein kya karenge, kaam ko kaise organise kaarana hai, ye sab plan kaarane ke liye bhi bahut time hoga.Uske saath saath aap excercise aur meditation bhi kar sakte hai.
- Jitna read kar sakte ho utna karo:
Corley (ek famous researcher) ke according 88% successful logg, din mein kam se kam 30 minutes apni reading aur education par devote karte hai, taki wo apni knowledge aur reading skills enhance kar pae.
Iss habit ke 2 fayde hai, pehla zyada padoge utna hi zyada knowledge increase hogi aur dusra agar aap english novel ya article read karenge toh aapki english improve hogi jisse aage chal kar aapka confidence bhi badega. Aap kuch bhi padh sakte hai chahe wo aapki favourite novel ho ya sirf blogs/ article ya sirf newspaper ka favourite column, ya kuch bhi apne personal interest ka. Agar kisi ko reading ke liye inspiration chahiye, ya janana hai ki importance of reading kya hoti hai toh J.K. Rowling ki baat yaad rakhe,”
Read as much as you possibly can. Nothing will help you as much as reading”. Ho sakta hai ki aap abhi reading na karte ho. Toh aap kuch basic books se start kar sakte hai aur dhire dhire level bada sakte hai.
- Goals Set Karna:
Corley ka kehna hai, “ Find your own wall, your own dreams and your own goals and pursue them”. Corley ne apni research findings mein ye bhi bataya hai ki almost saare self-made millionaires plan karte hai rich hone ka aur fir usse pura karte hai. Unka ye bhi kehna hai ki 80% ameer logo mein apne goals pure karane ka junoon bhara hua hota hai.
Jab life mein ek baar aap decide kar loge ki success aapke liye kya hai, toh apke liye goal decide karna easy ho jaega. Jaise bina jagah sooche aap rasta nahi dhondh sakte, waise bina goal decide kiye aap success ke raste kaise chalenge. Goal kuch bhi ho sakta hai. Hum jab bhi goals set karte hai toh dhyan mein rakhna chahiye ki goals 2 tarah ke set kare; short term goals aur long term goals.
Short term goals matlab chote time period mein achieve karne wale goals. Ye goals aapko near success ke liye banane honge. For example, aap promotion chahte hai next 6 months mai, toh yeh aapka short term goal hua. Ab ek baar aapne goal set kar liya toh aap iske goal ko dimaag mai rakh kar regularly apne job life mai mehnat karenge aage badne ke liye. Wahi aapka long term goal ho sakta hai apna khud ka business start karana.
- Soch samajh kar finance use kijiye:
Aisi habit hona aapke lifestyle ko improve karegi. Aapko adhik kharch karane aur financial problems ke stress se bachaegi . Iss habit ki help se aap apne financial goals achieve kar sakte hai.
Chahe aap financially bahut acha grow kar rahe hai, magar fir bhi jo chiz necessary nahi hai unn par paise kharch karna samjhdari wali baat nahi hoti. Aap jitne bhi successful logo ka interview padenge, aap yeh notice zarur kijiyega ki wo finance bahut sooch samjh kar sahi jagah use karte hai.
- Networking kare:
Successful logo ki sabse achi habit hoti ki wo dusro se ideas share karte hai, inspiration lete hai, networking ke through. Unhe sabse ache se pata hai teamwork ki kitni important value hoti hai aapko successful banane ke liye. Toh networking ke habit adopt kare aur aisee inspiring logo se connect kare. Unki life journey sune aur yeh dekhe kaise unhone failure ka samna kar usse kuch sikha hai. Iske saath saath apne colleagues ke saath bhi network mein rahe, specifically unke saath jo aapki hi field se hai. Aisa karke aap yeh jaan sakte hai wo apne career mein proceed kaise kare rahe hai. Aapko har ek insaan se koi na koi inspiration aur kuch new zarur sikhne ko milega.
- Fear hata kar nayi cheez try kare:
Kehte hai kuch new sikhne ke liye koi umar/ age nahi hoti. Toh aise mein apne fear ko hata kar humesha nayi cheez try karni chahiye. Iske 2 fayde hai; pehle aapki knowledge badegi aur dusra aap har mamle mein up to date rahenge. Aksar loggo ko darr hota hai ki kuch naya sikhne ke chakar mein kuch kharab na kar baithe. Kuch loggo ko yeh darr hota hai ki kuch naya karane ke chakar mein chizze ulat na ho jae, jise aksar fear of failure kaha jata hai. Toh wahi kuch ko yeh darr hota hai hume koi hume galityan karne par balme na kare. Aur kuch logg toh issi fear se kuch naya nahi sikh pate ki logg kya kahenge ki isse ye bhi nahi aata. Yeh saare fear unki zindagi ke pehle incidents ke kaaran hote hai, jaise may be pehle kuch galti hoi ho, par inn fears ko overcome karte hua hi hum aage badh kar kuch naya sikh sakte hai.
- First Things First; kaam ko prioritize karna:
Stephen Covey ne apni book The 7 Habits of Highly effective people mein 7 aisi habits batai hai jo insaan ko apni life change karne mein help karengi, aur yeh unmein se ek hai. Kaam ko prioritize karna yani yeh decide karna konsa kaam pehle karna hai aur konsa uske baad. Kaam ko importance aur urgency ke basis par aapko decide karna hai. Jo kaam important aur urgent dono hai wo sabse pehle kare, aur jo zyada urgent nahi hai usse uske bad. Ye ek tarah se kaam ko organize karna bhi hai. Organised work aapko success ke path par zaroor lead karega.
- Seek first to understand, then to be understood; Pehle suno, fir samjho:
Hum humesha yeh galti karte hai ki samne wale insaan ki puri baat bina sune usse jawab de dete hai. Hume pehle dusro ki baat puri sun kar samjhni chahiye, tab sooch kar uski baat ka jawab dena chahiye. Ye baat unhe bhi inspire karegi aur wo aapse influence honge. Hum successful logo se inspire isliye hote hai, kyuki unn mein aisi habit hoti hai. Toh next time se aap achhe listener ki habit banaye, samne wale ki baat sune, samjhe aur fir soch vichaar kar uska jawaab de.
Jab aapne successful hona ka sooch hi liye hai toh yeh habits apki sabse zyada help karenge usse pura karne mein. Already successful logo ke habits yehi hoti hai jaldi uthna, organized rehna, aur logo se networking karte rehna. Yeh habits develop karne mein may be aapko thoda time lage. But yeh develop karna worth hai successful bane ke liye.
Mujhe umeed hai iss article ki help se aapko bahut saari chize pata chali hongi. Personality development ya english development se related aur chize jani ho wo bhi in hindi toh humari website check kijiye.