Agar aap soch rahe hai ki English bolna kaise sikhe toh ye blog aapke saare sawalo ka jawab dega. English language ek aisi bhasha hai jo duniya ke 80% desho mai boli aur padhayi jaati hai. Yeh ek global language ban chuki hai jise seekhne se aap kamiyaabi haasil kar paate hai. English bolna sikhne ka demand itna badh chuka hai ki aaj har field aur kaam mai English bolne aur likhne ki zaroorat padhti hai.
Har age ke bacche, students, adults, men, women sub apni Spoken English ko sudhaarna chahte hai. Isi demand ko poora karne ke liye hum aapko English sikhne ke tarike batayenge aur kuch Spoken English tips denge jinhe aap follow kare aur kuch hi dino mai asaani se English bolna sikhe.
Chapter 1- English Grammar kaise sikhe: Introduction to English Grammar Basics
Chapter 2- Learn Vocabulary and Pronunciation (Vocabulary aur Pronunciation improve karna sikhe)
Chapter 3- Understanding Sentences (English Sentence formation sikhe)
Chapter 4- Daily use Hindi to English Conversations sikhe
Chapter 5- English Sikhne ke Kuch Aasan Tarike
Chapter 6- English improve karne ke liye yeh baate bhi dhyan mai rakhe
Chapter 7- Steps to get a job by learning English (English seekh ke job paane ke steps)
Online English Speaking Course in Hindi
English sikhna toh har kisi ke liye zaroori ban chuka hai. Aap life mai jo bhi kare aapko Spoken English skills ki zaroorat padhti hi hai. English sikhne ke liye aise bohot saare tarike hai jo aap apna sakte hai. Ghar baithe English grammar kaise sikhe yeh janne ke liye aap kuch zaroori steps ko follow kare aur kuch hi dino mai English bolna sikhe.
Agar aapko English sikhna hai toh subse pehla step hai English Grammar rules sikhna. Grammar koi bhi language ko study aur describe karta hai. English Grammar ki wajah se hi English conversations poori hoti hai. English Grammar mai aise rules hote hai jo words, phrases, sentences aur clauses ke structure ko descibe karte hai. Aap sounds aur letters ke aise combinations bana sakte hai jo dusre samajh sake. English grammar hindi mai samajh kar angreji bolna seekhen.
English Grammar rules ki sahi knowledge hone se aap sahi sentences aur daily use hone wale phrases frame kar sakte hai. Aapke pronunciation, punctuations aur sentences mai hone wale silly mistakes, English grammar hindi mai sikhne se kum hojaate hai.
English Grammar hindi mai sikhne se aapke communication skills mai improvement aa jati hai. Jaise aap job interview mai apne past experience ke baare mai batate hai toh aap Present perfect tense use karte hai. English grammar rules aapke communication ko logical aur clear banate hai. Isi tarah native English speakers bohot si short forms aur silent sounds use karte hai jinhe aap samajh nahi paate. Agar aapko English sikhna hai toh aap English grammar sikhe jisse aap in words aur sounds ko samajh sakte hai.
Noun, verbs, adverb, adjective, phrases aur clauses ki achi samajh hone se aapki writing skills improve ho jaati hai. Jaise agar aap ek letter likh rahe ho toh aapko sentence structure aur words ke order ki jaankari honi chahiye tabhi aap ek acha letter likh sakte hai. Aap jo bhi padhte hai use samajhne ke liye aapko English grammar hindi mai samajh sakte hai kyuki news, poems, stories etc. mai bohot lambe sentences hote hai aur in sentences mai aap subject, verb, object aur phrases ko pehchan sakte hai. Sentences ke grammar ko sikhne se aap jo padh rahe hai use achi tarah samajh payenge.
Yeh the kuch zaroori baate jinki wajah se aapko English Grammar sikhne pe zyada dhyan dena hoga.
English bolna sikhne ke liye English grammar sikhna bahut zaruri hai. English grammar rules sikhne ke bohot saare tarike hai par in sub tariko mai subse best tariko ko follow karne mai hi samajhdaari hai. English grammar ek bohot hi wide aur badi topic hai jise sikhne mai kaafi samay aur hardwork lagta hai. Agar aap grammar ka poora concept ek hi saath sikhne ki koshish karenge toh aap confuse hojayenge aur aapko grammar rules sikhne mai bohot mushkil hogi.
Aise bohot saare concepts hai jinhe sikhna aur samajhna asaan nahi. Par English bolna sikhne ke liye aapko grammar ki basic knowledge toh honi hi chahiye, isliye aapko English grammar basics aur tenses sikhna hoga. Ghar baithe asaani se English grammar kaise sikhe is savaal ka javaab paane ke liye in steps ko follow kare aur English bolna sikhe.
Aap jab bhi English grammar sikhe toh subse pehle aapko English grammar basics se shuru karna chahiye jo hai- parts of speech. Parts of speech ka matlab hai words ke group ko sahi tarah arrange karna taaki woh meaningful bane. Aap jo bhi sentence bolte hai uske har ek word ka ek matlab aur ek naam hota hai jise parts of speech kehte hai.
Parts of speech sikhna isliye zaroori hai kyuki
Parts of speech ke 8 categories hai-
English grammar basics sikhne ke liye in steps ko follow kare aur angreji bolna seekhen-
English Grammar basics sikhne ke liye aapko parts of speech sikhne honge aur yeh parts of speech aap ek hi din mai nahi sikh sakte. Is liye roz ek part of speech samajhne ki koshish kare aur use yaad kare. Jaise ek din aap noun aur uske types ke baare mai samajh sakte hai, dusre din aap pronouns samjhe. Isi tarah aap aasani se 8 din mai saare parts of speech sikh jayenge.
Parts of speech samajhne ke baad aap iske examples aur exercises se practice karna shuru kare aur angreji bolna sikhe. English grammar mai perfect hone ka mantra hai practice karna. Aapne toh suna hi hoga ki “practice makes a man perfect”. Aap English grammar rules aur basics tabhi sikh sakte hai jab aap workbooks aur grammar books se practice karenge. Ise apni ek routine banale aur roz in books se practice kare.
Phrases kuch aise words hote hai jo hamesha ek saath ek hi form mai use hote hai. Agar aapko English sikhna hai to in phrases ko yaad karne se aapko English grammar sikhne mai asaani hojaati hai kyuki aapko aadhe sentences toh yaad hi hote hai jisse aapka kaam asaan hojayega. Clauses mai subjects aur verbs hote hai jinhe yaad karne se aapko inhe use karne ka sahi tareeka samajh aajata hai.
English grammar rules sikhna aksar ek boring topic ban jaata hai. Jab tak aap koi kaam mai interested na ho tab tak aap us kaam ko ache se nahi kar sakte. Isliye grammar sikhne ko interesting banaye aur kuch mazedar tarike jaise puzzles, quizzes, riddles etc ki madad se grammar sikhna asaan kare. Ek bar Grammar sikhne ke baad aapko use rozana use karna hoga taaki aap grammar rules na bhule. Iske liye aap daily grammar aur word games khel sakte hai taaki aapki grammar ki knowledge refresh hoti rahe.
Parts of speech sikhne ke baad aapko English Grammar tenses ki jaankari hona bohot zaroori hai. Tenses aise shabd hote hai jo kisi kaam ka samay bataate hai. Bina tenses sikhe aap English nahi bol paayenge.
Tenses sikhna isliye zaroori hai kyuki
Tenses 3 basic types ke hote hai aur har tense mai 4 types hote hai.
Tenses sikhne ke liye in steps ko follow kare aur English bolna sikhe.
Tenses sikhna shuru karne ke liye sabse pehle aapko uske types aur rules ko samajhna hoga. Tenses ke 12 types hai aur har tense ka ek formula hota hai jise aapko yaad karna hoga tabhi aap tenses sikh sakte hai. In formulae ko aap likh ke yaad kar sakte hai ya iska ek chart bhi bana sakte hai.
Tenses ko samajhne ke baad aap koi article ya story padh sakte hai jismai bohot saare grammar rules aur tenses hote hai jinhe aap aasani se note kar sakte hai. Tenses rules sikhne ke liye aap novels ya story books padhe jismai aksar past ya future ke baare mai baath hoti hai. Isi tarah newspaper mai present ke baare mai baath hoti hai. Isse aapko tenses ko sahi tarah use karne ki aadat ho jaati hai. In articles ko padhe aur samjhe ki tenses kis tarah use ho rahe hai.
Koi bhi article ya story padhte samay aap un sentences ko note karle jismai tenses ka use ho raha ho. Aapko aise bahut sare sentences milenge jismai tenses aur uske alag alag forms use ho rahe hai. Ho sakta hai ki aapko un forms ko samajhne mai mushkil ho par un sentences ko note karne se aap aage uske baare mai jaan sakte hai. Yeh notes aapko revision mai bhi kaam aa jayegi.
Jin sentences mai tenses ho unhe note karne ke baad aap ek ek sentence ka tense aur uska type pehchanne ki koshish kare. Aisa karne se aapko tenses ke types yaad ho jayenge aur aapko yeh bhi pata chal jayega ki kis tarah ke sentence mai konsa tense use hota hai.
Ek baar aap tenses mai perfect ho jaye toh aap inki practice karte reh sakte hai taaki aapka revision hota rahe. Online quizzes ya worksheets se aap rozana tenses ki practice kare.
In tricks aur tips ko follow karke aap apni Spoken English kuch hi samay mai English grammar sikhke improve kar sakte hai.
Vocabulary yani shabd kosh aur pronunciation ka matlab hai kisi shabd ko bolne ka tarika. English bolna sikhne ke liye English to Hindi vocabulary aur pronunciation sikhna bohot zaroori hai kyuki yeh aapke Spoken English mai ek important role play karte hai.
Jab tak aapko sahi words aur unko pronounce karne ka tarika pata nahi hoga tab tak aap achi English nahi bol sakte. English grammar rules sikhne ke baad aapko apni vocabulary aur pronunciation pe work karna hoga.
Vocabulary aur pronunciation ek dusre pe interdependent hai. Yani agar aapko words ki knowledge hi nahi hogi toh aapko unhe pronounce karne ka tarika bhi pata nahi hoga. Isi tarah agar aap sirf pronunciation sikhenge aur aapko words yaad nahi honge toh aap English theek se nahi bol payenge. Isliye English to Hindi vocabulary aur pronunciation dono pe dhyaan dena zaroori hai.
Vocabulary improve kaise kare yeh janne se pehle aapko vocabulary ka matlab aur uski importance samajhna hoga. Vocabulary ka matlab hai shabdo ka bhandar. Jitne zyada aap naye shabd sikhenge utni hi aapki vocabulary improve hote jaayegi. Toh jaante hai English to Hindi vocabulary kaise improve kare aur English kaise sikhe.
Agar aapki vocabulary yani shabd kosh acha ho toh aapko daily use hone wale English words ki knowledge hoti hai. Jab bhi aap dusro se baath kare toh aapko sentences banane mai asaani hoti hai aur aap sahi situation ke hisaab se words ko istemaal kar sakte hai.
Jab bhi aap kisi native English speaker ko sunte hai ya unse baat karte hai toh ho sakta hai ki aapko unki baath samajhne mai pareshaani ho kyuki woh log aise words use karte hai jinki samajh aapko nahi hoti. Dusro ki baat sahi dhang se samajhne ke liye aapki vocabulary achi hona zaroori hai. English to Hindi vocabulary sikhe se aap English words aur unke meanings samajh paate hai.
Aapki vocabulary achi ho toh aap confidently logo se baath kar paate hai. Job interviews ke liye aapko confidence ki bohot zaroorat padhti hai aur strong vocabulary hone se aap interviews mai ache javaab de sakte hai.
Pronunciation ka matlab hai words ko bolne ka tarika. Yeh ek aisa tarika hai jisse English boli jaati hai. Toh jaante hai pronunciation improve karne se aapko kya fayde hote hai.
Aapka pronunciation acha hone se aapka accent bhi improve ho jaata hai aur aap mushkil se mushkil words bhi fluently bol paate hai. Apke pronunciation mai mistakes nahi hote jisse aapki Spoken English bhi improve hojaati hai.
Sahi pronunciation se dusre aapki baat samajh paate hai aur aap dusro ki baat samajh sakte hai. Words ko galath tarike se pronounce karne se confusion create ho sakta hai. Is confusion aur misinterpretation ko khatam karne ke liye aapko pronunciation improve karna hoga.
Pronunciation aur Vocabulary dono ko improve karna aapko English bolna sikhne ke liye bohot zaroori hai. Subse pehle aapko sikhna hoga ki aap apni vocabulary improve kaise kare aur kaise English bolna sikhe. Uske baad aap apna pronunciation improve kare. Aapko kuch steps follow karne honge jisse aap apni vocabulary aur pronunciation improve kar sake.
Apni vocabulary aur pronunciation improve karne ke liye aapko pehle new words dhunde honge. Vocabulary improve karne ke liye in steps ko follow kare:
Sabse pehle apni daily life mai use hone wale words ko find kare jaise explain, hot, cold, comfortable etc. Yeh kuch aise words hai jo aap daily routine mai use karte hai. Inhe sikhne se aapki daily conversations mai madad hojayegi.
New words ke meanings dhunde ke liye aap kayi sources use kar sakte hai jaise Google, online dictionary, newspapers, articles, novels, thesaurus etc.
Aapne jo bhi new words aur unke meanings find kiye hai unhe likhle taaki aapke paas record rahe jise aap baadmai refer kar sakte hai.
Aapne jo notes banaye hai unse aap in words ko yaad karna shuru kar sakte hai. Roz aap 4-5 words yaad karne se shuru kar sakte hai.
Jo bhi new words aapne sikhe hai use aap apni daily life mai use kar sakte hai jaise kisi se baat karte samay ya jab aap khud se baat kare ya jab aap apne friend se baath kare. Yeh English sikhne ka asaan tarika hai aur 30 din mai aapki vocabulary improve hojayegi.
In steps se aap samajh chuke honge ki aap apni vocabulary improve kaise kare.
Naye shabd dhundne ke baad aap un new words ke pronunciation pe dhyan de sakte hai.
Agar aapko English sikhna hai toh aapko practice karna hoga. Bina English bolne ki practice kare aap kabhi Angrezi mai fluent nahi ho sakte. Isi tarah aap jo bhi naye words aur unke pronunciation sikhe aapko uski practice karte rehna hoga tabhi aap usmai perfect ho sakte hai.
In steps ko follow karke aap 30 din mai English bolna sikh sakte hai. English sikhne ka subse zaroori hissa hai apni vocabulary aur pronunciation improve karna. Jaldi English sikhne ke liye is topic pe poora dhyaan dein.
Sentence ka matlab hai words, phrases aur letters ka group. Aap jo bhi bole ya puche woh sentences mai hi hoti hai. Isliye aapko English sentences structure sikhna bohot zaroori hai. Jab tak aapka English sentence sahi tarah frame na hota tab tak aap English bolna nahi sikh sakte. Isliye Hindi to English translation ke rules samjhe aur aasani se English bolna sikhe.
Hum jo bhi bolte ya sochte hai woh Hindi mai hi hota hai. English mai baath karne ke liye hame in Hindi sentences ko English mai translate karna padhta hai. Hindi se English mai translate karne ke liye Hindi aur English sentence structures aur sahi translation karne ke tarike sikhe aur ghar baithe achi English bolna sikhe.
Hindi to English sentence translation ka matlab hai Hindi sentences ko English mai translate karna. Par yeh translation aap aise hi nahi kar sakte. Agar aap Hindi sentence ke har word ko usi order mai English mai translate karenge toh woh galat sentence hojayega.
Jaise agar mai Hindi mai kahu ki “Ronita soo rahi hai”. Is sentence ko agar same order mai English mai translate karenge toh yeh ban jayega “Ronita sleeping is” jo ki ek wrong sentence hai. Iska sahi English sentence hoga “Ronita is sleeping”.
Yaha par aap dekh hi sakte hai ki Hindi se English mai translate karne par words ka order change hogaya hai. Isliye is order ko samajhna aur ise yaad rakhna bohot zaroori hai. English sentence structure sikh kar aap koi bhi Hindi sentence ko asaani se translate kar paayenge. Sentence structure sikhne ke liye aapko English grammar basics ki knowledge hona bohot zaroori hai.
Hindi to English sentence translation karne ke liye aapko Hindi aur English ka sentence structure samajhna hoga. Sentence structure samajhne ke baad aap apne Hindi sentence ko English sentence ke order mai translate kar sakte hai. Hindi se English mai Sentence translation karne ke liye zaroori steps:
Hindi sentence structure ka matlab hai words ka order jismai ek Hindi sentence likha ya bola jaata hai.
Hindi sentence structure hai: Subject + Object + Verb
Example- Mickey (Subject) football (Object) khel raha hai (Verb).
Is tarah se Hindi sentences form hote hai.
English sentence structure ka matlab hai words ka order jismai ek English sentence likha ya bola jaata hai.
English sentence structure hai: Subject + Verb + Object
Example- Mickey (subject) is playing (verb) football (object).
Is tarah se English sentences form hote hai.
Hindi aur English sentence structures mai differences ko samajhne ke baad aap koi bhi Hindi to English sentence translation karne ki koshish kare.
For example: Hindi sentence- Geeta (subject) ek kursi par (object) baithi hai (verb).
English sentence- Geeta (subject) is sitting (verb) on a chair (object).
Isi order mai aap koi bhi Hindi sentence ko English mai translate kar paayenge.
Sentences sikhne ke liye aapko books, articles ya newspapers padhna hoga. Jitna zyada aap read karenge aapki sentences ki samajh utni hi badhte jayegi. Aap Hindi ka koi bhi article ya paragraph le sakte hai aur use English mai translate karne ki koshish kar sakte hai. Sentence wise translate karne ki koshish kare isse aapki achi practice hojayegi. Aap chote paragraphs se shuru kar ke bade articles translate kar sakte hai.
Yeh hai kuch zaroori steps jinse aap sikh sakte hai ki Hindi to English sentence translation kaise kare
Jis tarah English mai baath karna zaroori hai usi tarah English mai savaal puchna bhi bohot zaroori hai. Bina questions puche aap kisi se baath nahi kar sakte hai. Aap kahi bhi jaaye ya kisi se bhi mile aapko questions puchna aana chahiye.
English mai questions puchne ka bhi ek tarika hota hai jise follow karna bohot zaroori hai. Kis situation par kaisa savaal puchna hai yeh bhi aapko pata hona chahiye.
English mai alag alag tarah ke questions hote hai aur har question ka English structure alag hota hai. English mai sahi dhang se savaal puchne ke liye aap in steps ko follow kar sakte hai.
English mai question puchne ke liye aapko sabse pehle English question structure sikhna hoga. English mai 3 types ke questions hote hai jo alag alag situations mai puche jaate hai.
Yeh woh savaal hote hai jinse aapko haa ya naa mai javaab milta hai. Yes/No questions ka sentence structure hai- Verb + Subject + Object.
For example- Was (verb) she (subject) tired (object)?
“Wh” questions ka matlab hai woh savaal jo “Wh” ya “H” se shuru hote hai. Jaise Who, What, When, Where, Why, Whose, How etc. “Wh” questions ka sentence structure hai- Wh question word or phrase + Helping verb + Subject + Main verb + Object.
For example- Why (Wh word) are (helping verb) you (subject) late (main verb) to school (object)?
Jab aapko koi information confirm karna ho toh aap tag questions use karte hai. Tag question ke sentence structure mai 2 parts hote hai, pehla part regular statement hota hai aur dusra part tag phrase hota hai.
For example- You didn’t bring your book (regular statement), isn’t it (tag phrase)?
Daily life mai English bolne ke liye aapko daily use hone wale question phrases sikhne hoge. Yeh kuch aise phrases hote hai jinhe aap sahi situation par directly use kar sakte hai. In phrases ko use karne ke liye aapko sochna nahi padhta, bas aapko yeh phrases yaad hone chahiye.
Aise bohot se common phrases hai jinhe aap yaad rakh sakte hai taaki aap bina sentence structure ke baare mai soche in phrase ki madad se question puch sake. Aise hi kuch phrases hai-
Aap phrase dictionaries ki madad se aise bohot saare phrases aur proverbs find kar sakte hai jo aap apni daily life mai use kar sake. Aap roz 2 se 3 phrases yaad karne se shuru kare.
Jo kuch bhi aapne padha aur yaad kiya hai aapko usko practice aur revise karte rehna hoga. Apne ghar walo se aap daily use phrases ka use karke questions puchte rahe.
Kahi bhi bahar jaaye jaise shopping mall, theatre etc. toh aap daily use hone wale phrases use kar sakte hai. In phrases ko aap note karke yaad kar sakte hai aur ko bhi suitable situation pe use kar sakte hai. Agar aapki koi meeting ho ya kahi job interview ho toh aap pehle se in question phrases se prepare kar sakte hai.
In steps ko yaad rakhe aur apnaaye taaki aapko sentences frame karne ke tarike sikhne mai asaani ho.
English bolna sikhne ke liye ye ek smart aur efficient tarika hai. Daily use Hindi to English conversations ka matlab hai kuch aise phrases jo aap apni daily life mai use karte hai jo aapko sikhate hai ki aap daily English mai kaise baat kare. Yeh conversations phrases words, clauses aur letters ko mila ke bante hai. Ek phrase ka use kisi point par focus karne ke liye kiya jaata hai.
Jaise aap Hindi mai apni daily life mai kuch phrases use karte hai, usi tarah English mai bhi aise bohot saare phrases hote hai jinhe sikhne se aap English bolna sikh sakte hai.
English conversation phrases kuch aise phrases hote hai jo English language mai kisi se baath karne ke liye commonly use hote hai jinse aap sikh paayenge ki aap English mai kaise baat kare. In phrases ko sikhna aapki English speaking ko improve karne ke liye bohot zaroori hai kyuki-
English conversation phrases sikhne se aapko ache se pata hota hai ki aap kub konsa phrase use kar sakte hai. Is wajah se aapko kisi se bhi baat karne se pehle zyada sochne ki zaroorat nahi padhti. Sahi phrases use karke aap bina atke fluently English mai baat kar sakte hai.
Daily use English conversation phrases sikhne se aapko sentences ke grammar ki samajh hone lagti hai kyuki aap tenses aur verbs ko sahi tarah se use karte hai. Phrases ko sahi tarah bolne se aapka pronunciation bhi automatically improve hojaata hai kyuki jo shabd aap un phrases mai use karte hai wohi shabd aap apni daily life mai bhi use karte rehte hai. Aisa karne se aapka pronunciation sahi hojaata hai.
Aise bohot saare English conversations phrases hai jo daily life mai use hote hai. Saare phrases ek saat sikhne par aap confuse ho sakte hai. English mai kaise baat kare yeh samajhne ke liye aap English conversation phrases step by step sikh sakte hai. Ek order mai in phrases ko sikhne par aapko phrases yaad rakhne mai aasani hogi.
English conversation mai aise kuch phrases hai jo commonly use hote hai. Yeh koi bhi situation pe depend ho sakte hai. Inhe randomly kabhi bhi use kiya jaa sakta hai. Aap in phrases ko kisi ke question ka javaab dene ke liye bhi use kar sakte hai.
Common expression wale kuch phrases hai-
| No. | Hindi conversation phrases | English conversation phrases |
| 1 | Chinta mat karo. | Don’t worry. |
| 2 | Sab kuch taiyyar hai. | Everything is ready. |
| 3 | Woh jald aa raha hai. | He is coming soon. |
| 4 | Maine khaliya. | I ate already. |
| 5 | Kaam kaisa chal raha hai? | How’s work going? |
Yeh hai kuch common use hone wale
Jab bhi aap kisi se baat kare ya kisi se mile toh aapko unhe greet karna padhta hai. Yeh phrases aapke baat karne ke tarike aur manners ko darshaate hai. Aap yeh phrases kisi ka haal chaal puchne ya kisi ko compliment dene, ya apni best wishes dene ke liye use karte hai.
Greet karne ke kuch English conversation phrases hai-
| No. | Hindi conversation phrases | English conversation phrases |
| 1 | Shubh Prabhaat! | Good Morning! |
| 2 | Shubhkamnaye | All the best! |
| 3 | Susandhya Sir! | Good Evening Sir! |
| 4 | Aapki yatra achi ho. | Have a good trip. |
| 5 | Janam din ki shubhkaamnaye | Happy Birthday! |
Jab aap phone pe baat karte hai toh aise bohot saare phrases use karte hai jinse aapki baat chit asaan hojaati hai. Aapke job ke liye ho ya aapke business ya college ke liye aapko telephone pe English mai baath karna hi padhta hai.
Aap yeh phrases dusro ke calls ko answer karne ke liye, ya dusro ko call karne ke liye, ya kisi aur ke behalf par message dene ke liye, ya conversation khatam karne ke liye use kar sakte hai.
Telephone pe baat karne ke kuch daily use English conversations hai-
| No. | Hindi Conversation phrases | English conversation phrases |
| 1 | Call karne ke liye shukriya! | Thank you for calling! |
| 2 | Kya mai tumhe ghar pohuch kar call karu? | Can I reach home and call you? |
| 3 | Hello, mai Rita XYZ company se baat kar rahi hu. | Hello, this is Rita from XYZ company. |
| 4 | Kya mai Divya se baath kar sakta hu? | May I speak to Divya? |
| 5 | Kya aap koi message chodna chahenge? | Would you like to leave a message? |
Hum sabhi ko friends banana passand hai. Bohot se log isliye friends nahi bana paate kyuki unhe pata nahi hota ki logo se friendly tarike se kaise baat kare. Dusro se friendship banane ke liye aapko kuch friendly phrases ko use karna padhta hai jisse log aapse friendship karna chahe.
Aise hi kuch friendly English conversation phrases hai-
| No. | Hindi conversation phrases | English conversation phrases |
| 1 | Tum bus se jaa rahi ho ya train se? | Are you going to take a bus or train? |
| 2 | Kya aaj raat tum free ho? | Are you free tonight? |
| 3 | Kya aaj shaam tum aa rahe ho? | Are you coming this evening? |
| 4 | Kya tumhe mera mail mila? | Did you receive my mail? |
Aise kayi baar ho sakta hai ki aapko apni din bhar ki routine bataani padhe. Koi bhi aapse puch sakta hai ki aap roz kya karte hai ya aapne din bhar mai kya kya kiya. Is savaal ka javaab dene ke liye aapko mushkil ho sakti hai kyuki agar aapki English weak ho toh aap har kaam ko English mai translate nahi kar paate.
Isliye aap apni daily routine bataane ke liye kuch phrases ko sikh sakte hai jisse aapka kaam asaan hojayega. Agar aap ek student hai toh aap bhi apni daily routine bataane ke liye kuch phrases ko dhyaan mai rakh sakte hai taki aap apne friends, teachers ya relatives ko apni daily routine suna sake.
Daily routine batane ke liye aap is order ko follow kar sakte hai:
Daily routine bataane ke English phrases ka example hai-
| Daily Routine | Hindi phrases | English phrases |
| Morning Routine | Mai subah 9 baje uthti hu. | I wake up at 9 in the morning. |
| Mai brush karke breakfast karti hu. | I brush my teeth and have my breakfast. | |
| Mai ready hoke office ke liye nikal jaati hu. | I get ready and go for work. | |
| Afternoon Routine | Mai 2 baje office canteen jaake apna lunch karti hu | At 2 pm, I have my lunch in the office canteen. |
| Night Routine | Mai 8 baje ghar wapas aati hu. | I come back home at 8 pm. |
| Fir mai thodi der TV dekhti hu aur 10 baje dinner karti hu. | Then I watch TV for some time and have my dinner at 10 pm. | |
| 12 baje mai sone jaati hu | I go to sleep at 12 am |
Yeh the kuch commonly use hone wale English conversation phrases.
Hindi to English conversations phrases kya hai aur inhe kaisi sikhna hai yeh toh aap jaan hi chuke hai. In phrases ko sikhne ke liye aap kuch tips aur tricks ko follow kar sakte hai taaki aapko phrases sikhne mai aasani ho aur aap sikh paaye ki English mai kaise baat kare.
Angrezi ek aisi bhasha hai jo change hoti rehti hai. Har roz aise new words aur phrases aate hai jinhe hame follow karke updated rehna padhta hai. Aap wohi puraane words aur phrases use karte nahi reh sakte. Aapko apne puraane phrases ko bolne ke naye tarike sikhte rehna hoga. Jaise “Thank you” bolne ke liye aap kuch aur phrases jaise “That’s very kind of you”, “You made my day” jaise phrases use kare. Isi tarah “Welcome” bolne ke liye aap “No worries”, “my pleasure” jaise phrases use kar sakte hai.
Jab bhi aap dusro se baat kare toh unke baat karne ka style aur phrases notice kare. Ho sakta hai ki woh kuch naye phrases use kare ya aapse zyada updated ho. Studies ke hisaab se hum dusro ko dekhke zyada sikhte hai. Isliye saamne waale ki baat chit ko dhyaan se sune aur new phrases aur words grab kare.
Aapne din bhar mai jo bhi phrases sune ya sikhe use aap note karle. In phrases ko rozana istemaal karne ki practice kare. Aap jinse bhi baat kare in new phrases ko use karte rahe. Aap rozana ek new phrase sikh sakte hai.
Yeh hai kuch asaan tips ko aapko phrases yaad rakhne mai aur English sikhne mai madad karenge.
English sikhna aur bolna aaj kal bohot zaroori hogaya hai. Achi English na bol paane par aapko bohot sari problems ko face karna padhta hai. Angrezi hamari second language hai kyuki hum native English speakers nahi hai. Isliye hame Angrezi sikhne ke liye itni mehnat karni padhti hai.
English sikhne ke bohot saare faide hai. English speaking se aapki life change hojaati hai. Aapki life mai bohot saare developments aajate hai jaise-
Achi English bol paane par aap socially logo se zyada connect kar paate hai. Aap zyada friends bana sakte hai aur aap dusro se openly baath kar sakte hai jiski wajah se aapka social network badh jaata hai. Ache jobs milne ke liye aapki Spoken English achi honi chahiye. Achi writing aur speaking skills hone se aapko achi job opportunities milti hai.
Angrezi ek aisi bhasha hai jo har desh mai boli jaati hai. Agar aapko achi English aati hai toh aap foreign countries mai travel kar sakte hai, ghoomne ke liye jaa sakte hai ya fir apni padhayi ke liye aap abraod jaa sakte hai. Achi jobs paane aur zyada paise kamane bhi aap foreign countries jaa sakte hai kyuki aap logo se communicate kar sakenge.
Achi English bol paane par aapki personality mai development aajati hai kyuki aap mai ek confidence aajata hai. Fluently English bolne se aap confidently logo se baath kar sakte hai aur aapko dusro se baath karne ke ethics aur manners samajh aajate hai.
Public speaking ka matlab hai dusro ke saamne speech dena ya present karna. Jab tak aapko achi English nahi aati tab tak aap dusro ke saamne speech nahi de sakte. Achi speaking skills hone se aap bina atke confidently speeches de sakte hai aur logo ko motivate kar sakte hai.
English sikhna toh har koi chahta hai par English sikhne ke aasan tarike har koi nahi jaanta. Jaldi English sikhne ke liye kuch aise tarike hai jinhe apna kar aap kuch hi dino mai fluently English bol payenge. Sahi tariko ko apni life mai laane se hi aap sahi dhang se English sikh sakte hai.
Aise kuch important tips aur tricks hai jo aapko English bolne ki practice karne mai madad karenge. Toh jante hai English sikhne ke aasan tarike:
English sikhne ka best tarika hai English mai sochna. English mai sochna yani apne dimaag ko har baat English mai karne ke liye train karna. Hum jo bhasha mai sochte hai usi bhasha mai bolte hai. English bolne ke liye aap Hindi mai sochte hai aur use English mai translate karke bolte hai jismai bohot samay barbaad hojata hai. Agar aap English mai hi sochenge toh aapko translate karne ki zaroorat nahi padegi aur jo aapke dimaag mai hai aap woh bol payenge.
Angrezi fluently aur fast bolne ke liye aapko translation nahi balki English mai sochna shuru karna hoga. Agar aap shuruat se hi English mai sochne ki practice karlenge toh aapko English bolne mai asaani hojayegi.
English mai sochna shuru karne ke liye aap in exercises ko follow kar sakte hai-
Step 1: Sabse pehle words sochne se shuru kare
English mai sochne ki adat daalne ke liye aapko pehle aasan shabdo se shuru karna chahiye. Shuruat mai aapko English mai sochne mai mushkil ho sakti hai kyuki aapko iski aadat nahi hoti. Par dheere dheere aap iske use to hojayenge. Apne brain ko English mai sochne ke liye aap English words ko sochne se shuru kare. Aapke saamne jo bhi cheez dikhe aap uska English naam soch sakte hai. Apne aas paas ki har cheez ko English naam de jisse aapki vocabulary bhi improve hojayegi.
Next step hai English sentences sochna. Words ko English mai sochne ke baad aap sentences English mai sochna shuru kar sakte hai. Aap chote sentences se shuru kar sakte hai. Jaise agar aap koi kaam kar rahe ho toh aap use English mai narrate karte hue kaam kare. Ya aapke saamne jo bhi ho raha ho use English mai soch sakte hai.
Sentences English mai sochne ke baad aap bade conversations English mai sochna shuru kare. Apne aapse aap English mai hi baath kare. Agar aapka koi conversation hone wala hai jaise office mai koi meeting ho toh aap pehle se us conversation ko apne dimaag mai prepare kar sakte hai. Bade sentences, phrases aur conversations ko English mai sochne ki practice karte rahe.
In steps se aap asani se English mai sochna shuru kar sakte hai.
Jaldi English sikhne ke liye aap books ki sahayata le sakte hai. English sikhne ke liye aise bohot saare books available hai jo aapko English sikhne mai madad karenge. Books se English sikhna ek bohot hi puraana aur asaan tarika hai. Books se English sikhne ke bohot se fayde hai jaise:
English sikhna hai toh aap English grammar books, English course books, novels, story books etc. use kar sakte hai.
Books se English sikhne ke liye aap apni passand ki koi bhi book le sakte hai. Agar aapko grammar aur complex English concepts sikhne hai toh aap English learning course books ki madad le sakte hai. Agar aapko entertaining tarike se English sikhna hai toh aap novels ya story books ki madad le.
Aap jo bhi padhe use zor se padhne ki koshish kare taaki aap sun sake ki aap kya padh rahe hai. Isse aapka pronunciation improve hoga aur aap jo padh rahe hai woh yaad rahega.
Aapko jo bhi words mushkil lage ya agar aapko kisi word ka meaning nahi pata hai toh aap use note karle aur dictionary se us word ka meaning find kare.
Book padhne ko ek routine banale. Ise aap koi bhi ek fixed time pe padh sakte hai jaise shaam mai ya soone se pehle ya jab aapka mann kare. Ek fixed time pe book padhne se aapka interest badh jaata hai aur habit bhi ban jaati hai.
Kuch popular English learning books hai-
a. “Word Power made easy” by “Norman Lewis”
b. “30 days to a more powerful vocabulary” by “Norman Lewis”
c. “Objective General English” by “S.P Bakshi”
d. “The Alchemist” by “Paulo Coelho”
e. “The Hardy Boys Adventure” by “Franklin W. Dixon”
Yeh ek asaan tarika hai English sikhne ka. News aapko current affairs, entertainment, sports etc. ke baare mai up to date information deti hai. Har koi news dekhta aur sunta hai. Aap kayi news channels jaise Aaj Tak, India Today, NDTV etc. se news dekh sakte hai. Newspapers jaise The Times of India, The Economic Times, Deccan chronicles etc. se news padh sakte hai.
Par news English sikhne mai kaise madad karti hai?
Agar aapko newspaper padhne ki aadat nahi hai toh aapko news padhna ya dekhna bohot hi boring kaam lagega. Iske liye aap apni koi bhi interested category ki news padh sakte hai taki aapko English sikhne mai maza bhi aaye aur newspaper padhne mai interest bhi aajaye.
Jab aap kuch padhke dusro ko sunate hai toh aapka revision hojaata hai. Dusro se share karne se aapki communication skills improve hojaati hai aur aap English bolna sikh jaayenge.
Aap ne toh dekha hi hoga har newspaper mai crossword puzzles aur games hote hai. Yeh puzzles aapki English improve karne mai bohot madad karenge. In puzzles mai aise bohot saare mushkils words aur phrases hote hai jinhe padhne aur sikhne se aapki Spoken English achi hojayegi.
TV mai news dekhna ek asaan aur relaxing kaam hai. Ismai aapko koi mehnat nahi karni padhti, bas apne poore concentration ke saat news dekhe. Jab aap kuch gaur se sunte aur samajhte hai toh aapki listening skills improve hojaati hai. Aap baato ko lambe samay tak yaad rakh paate hai aur dusro ki baath ko asaani se samajh paate hai.
Movies dekhna ek bohot hi mazedaar aur entertaining tarika hai English sikhne ka. Har kisi ko movies dekhna ka shouk toh hota hi hai. English movies dekhke aap jaldi English bolna sikh sakte hai. Aap English sikhne ke liye Harry Potter series, Twilight, Toy Story jaise movies dekh sakte hai.
Movies se English sikhne ke fayde yeh hai ki:
Har kisi ki apni passand hoti hai. Kisi ko horror movies pasand hoti hai, kisi ko romantic movies aur kisi ko suspense movies passand aati hai. Aapko jo genre ke movies passand ho aap wohi dekhne mai interested honge. Isliye aapke favourite movies ko select kare aur dekhe.
Jab aap English movies dekhte hai toh native English speakers ka accent aur pronunciation bohot alag hota hai jise samajhne mai beginners ko mushkil hosakti hai. Agar aap movies subtitles ke saath dekhenge toh aap subtitles padhke dailogs samajh payenge.
Movies dekhte samay aise bohot se words ho sakte hai jo aap na samajh paaye. Aise mai in words ko yuhi na chode. Apne saath apna phone rakhe aur immediately un words ka meaning google ya online dictionary se find karke note karle. Isse aap new words sikh bhi jayenge aur dialog bhi samajh jayenge.
Poori movie dekhne ke baad ek note mai us story ki English mai summary banaye. Aisa karne se aap jaan payenge ki aapko kitni movie samajh aayi hai aur aapki writing skills bhi improve hojayengi.
Native English speakers ki tarah English bolne ke liye hame saalo lag jaate hai. Iske liye hame bohot sari practice bhi karni padhti hai. English bolna sikhne ke liye sirf uske concepts ko samajhna aur yaad karna zaroori nahi hai. English sikhne ke liye aapko grammar rules aur concepts ko practically practice karna padega tabhi aap jaldi English sikh payenge.
Aap jo bhi kaam sikhna chahte hai ya karna chahte hai uske liye mehnat karni hi padhti hai. Koi bhi phal aapko aasani se nahi milta. Isi tarah koi bhi skill sikhne ke liye aapko poori lagan ke saat practice karni padhti hai.
Practice hi aapko har kaam mai safal banaati hai. Chahe kitna bhi mushkil kaam kyu na ho practice karne se aap usmai perfection aur safalta prapt kar sakte hai. English bolna sikhne ke liye bhi aapko isi tarah practice karni hogi.
Yeh hai kuch English sikhne ke aasan tarike jinse aap kuch hi dino mai angrezi sikh sakte hai.
Achi English bolna har kisi ka maksad ban chuka hai. English bolna sikhne ke liye aapne English grammar basics, vocabulary aur pronunciation, daily use English conversation basics toh sikh liye par in sabke alawa English ko kaise improve kare yeh sikne ke liye aapko kuch aisi baate hai jinka dhyaan rakhna bohot zaroori hai.
English bolna sikhne ke saat saat aapko English ko kaise improve kare iske tarike bhi samajhne honge tabhi aap dusro ke saamne fluently English bol payenge. English sikhne ke tips ke saat aapko kuch aur baato ka khayal rakhna hoga jo har kisi ne kabhi na kabhi face kiya hoga par ise overcome karne ka tarika pata nahi hoga.
Achi English na bol paane ke bohot saare reasons ho sakte hai jaise grammar ki knowledge na hona, ya vocabulary kamzoor hona ya sahi pronunciation na hona. Par aksar aisa ho sakta hai ki in sub mai perfect hone ke baad bhi aap fluently English nahi bol paa rahe honge.
Fluently English na bol paane ke kuch aur reasons bhi ho sakte hai jaise
Reason 1- Confidence ki kami ki wajah se achi English nahi bol paate
English theek se na bol paane ka ek bahut bada reason hai lack of confidence. Agar aap mai confidence na ho toh aap jo jaante hai woh bhi nahi bol paate. Yeh ek bohot bada factor hai jiski wajah se kayi log aaj dusro ke saat communication nahi kar paate.
Logo mai yeh confidence ki kami shyness, hesitation, nervousness, judgements, conciousness etc. ki wajah se aajati hai. Aapko kitni bhi knowledge ho, confidence ke bina yeh knowledge kisi kaam ki nahi.
Confidence na hone par aap dusro ke saamne nervous hojaate hai aur sub bhool sakte hai. Iske karan aap baath karte samay kayi baar atakte rehte hai jiska impression saamne wale pe acha nahi padhta. Aapko bar bar sochna padhta hai ki aap kya bolna chah rahe hai.
Logo se baat karne ke liye aap mai confidence hona zaroori hai. Agar yeh confidence aap mai na ho toh aapko logo se baat karne mai sharam aur hesitation hoti hai. Aap logo se door bhaagte hai aur friends nahi bana paate.
Interviews dene ke liye confidence ka hona bohot zaroori hai. Sirf confidence hone se aap apne job interview mai pass ho sakte hai. Acha confidence level hone se interviewers par aapka acha impression padhta hai. Agar aapke paas knowledge bohot hai par lack of confidence ki wajah se aap apne interviewers ko impress nahi kar paaye toh aap apne interview mai fail hojayenge.
Ab aap soch rahe honge ki is kami ke sath aap English improve kaise kare. Toh aap neeche diye gaye tips pe dhyan de sakte hai
Apni English improve karne ke liye aapka confidence level high hona bohot zaroori hai. Confidence boost karke English ko kaise improve kare?
Apna confidence boost karne ke liye subse pehle aapko khud par poora bharosa aur pride hona chahiye. Jab tak ke aap apne aap se khush nahi honge aap dusro ko bhi khush nahi kar payenge. Aapko jitni bhi English aati ho ya jitni bhi angrezi ki knowledge ho aapko uspe bharosa aur confidence hona chahiye. Aisa karne se aap English improve kar sakenge.
Koi bhi insaan perfect nahi hota. Har kisi mai koi na koi kami hoti hai. Agar koi kisi kaam mai aapse acha ho toh hosakta hai ki aap kisi aur kaam mai us insaan se ache ho. Jab aap khud ko kisi aur se compare karenge toh aap khud se mayoos hojayenge aur aapka confidence kum hojata hai. Isliye apne aapko kisi se kum na samjhe aur confidently English mai baath kare.
English books padhte samay aap use zor se padhe. Ya English songs zor se gaye. Isse aapko zor se English mai baath karne ki aadat hojayegi aur aapko dusro ke saamne baat karne mai sharam nahi aayegi.
Hum jab bhi kuch kaam karte hai toh yehi sochte hai ki aage wala hamare baare mai kya sochega ya kya bolega. Dusro ke judgements aur comments ki wajah se hum apne talent ko aage aane nahi dete. Isi tarah English mai baat karte samay hum yehi sochte hai ki saamne wala kahi hamara mazak na udhaade ya kuch comment na karde. Aisa sochne se aapka confidence low hojata hai. Isliye hamesha sirf apne baare mai soche dusre aapke baare mai kya kahenge yeh itna zaroori nahi hai.
Jab aap apni English improve kare toh apna progress monitor karte rahe. Jaise agar aap shuruat mai asaan sentences bol paate the aur ab aap mushkil aur bade sentences bol paa rahe hai toh is choti si achievement ko bhi importance de. Isse aapka confidence aur badh jayega.
Apni English improve karne ke liye apna confidence badhana utna hi zaroori hai jitna English ke rules sikhna. Isliye in tips par zaroori dhyaan de.
English hamari second language hai isliye hum kuch aisi galtiya kar jaate hai jinse hamari Spoken English kharaab hojati hai. Native English speakers ko yeh problems face nahi karni padhti. Apni English improve karne ke liye hame in galtiyo ko janna hoga aur inhe improve karna hoga.
Jab hum Hindi se English mai translate karte hai toh hum double negatives use kar jaate hai. For example,
Wrong sentence- I don’t know nothing.
Correct sentence- I don’t know anything.
Hum aksar tense galat tarike se use kar jaate hai. For example,
Wrong sentence- I didn’t cried when I saw the movie.
Correct sentence- I didn’t cry when I saw the movie.
Yaha “I” hamesha subject hota hai aur “Me” hamesha object hota hai, jismai hum aksar confuse hojaate hai. For example,
Wrong sentence- They are going to send my wife and I a package.
Correct sentence- They are going to send me a package.
“Say” hum tab use karte hai jab hame kuch words mai express ya explain karna ho aur “tell” hum tab use karte hai jab hume sirf name ya word bolna ho. For example,
Wrong sentence- Say me your name.
Correct sentence- Tell me your name
Hum “fewer” waha use karte hai jaha kuch countable ho aur “less” waha use karte hai jaha kuch uncountable ho. For example,
Wrong sentence- Today the market has less people.
Correct sentence- Today the market has fewer people.
Yeh ek common mistake hai ki hum har word ke baad “s” laga dete hai. For example,
Wrong sentence- Unless you gets your acts right.
Correct sentence- Unless you get your acts right.
Aise hi bohot saari common mistakes hai jinki wajah se hamari English kharaab hojaati hai.
Apni English ko kaise improve kare yeh janne ke liye in tips ko follow karke English bolte samay hone wali ghatiyo ko improve kare.
English bolte samay agar aap grammar pe bohot zyada focus karenge toh aap mistakes kar sakte hai. English ko uske flow mai hi bolna chahiye. Jitna zyada aap uske grammar aur rules ke baare mai sochenge aap utne hi confuse hote jayenge.
Achi English bolne ke liye aapko words ka sahi matlab aur context samajhna bohot zaroori hai. Har word ka ek se zyada matlab ho sakta hai aur alag alag situations mai woh word alag tarike se use hota hai. Jaise “Tie your shoelace” aur “where’s my tie?” in dono phrases mai tie ko alag matlab se use kiya jaa raha hai jise samajhna bohot zaroori hai.
Procrastination ka matlab hai koi bhi kaam ko taalna ya baad mai karne ki sochna. Iski wajah se aap English practice nahi karte aur apni sahi routine nahi bana paate. English sirf practice se hi improve ho sakti hai aur procastination ke karan aap practice nahi karte aur English bolte samay galtiya karte hai.
Tenses ek bohot hi important topic hai aur iska sahi use karna aapki English speaking ke liye bohot zaroori hai. Tenses ke use se aapka poora sentence change hojaata hai. Isliye tenses aur uske types ko ache se sikhna aapki Spoken English ko sudhaarne ke liye bohot zaroori hai.
Yeh hai kuch tarike jinse aap apni English speaking mai hone wali galtiyo ko sudhaar sakte hai.
English sikhne ka sabse bada fayda yeh hai ki aapko achi job opportunities mil jaati hai. Aaj kal har koi paise kamaana chahta hai aur achi job paana chahta hai. English sikhkar aapko yeh dono cheeze mil jayengi.
Aapke professional career mai agar aap succeed karna chahte hai toh English bolna sikhe. English aapko har field mai har kaam mai aur har kisi se baat karne mai kaam aati aati hai. Aapke paas technical ya dusri field ki knowledge kitni bhi ho bina Spoken English ke aap koi kaam nahi kar sakte.
English sikh ke aap kayi English speaking job opportunities ko grab kar sakte hai jaise-
Har kisi ka English sikhne ka main reason yehi hai ki woh English speaking job paana chahte hai. English sikhne se aapke job milne ke chances kuch is tarah badh jaate hai-
Aaj kal har job ki sabse pehli requirement hoti hai English proficiency ya English speaking skills hona. Employers is requirement ko bohot seriously lete hai aur iske basis pe aapko job bhi mil sakti hai. Agar aapki angrezi achi ho toh aap is requirement ko poora kar paayenge aur koi bhi English speaking job mai apply kar paayenge.
Job interviews English mai dene ke liye aap mai confidence hona bohat zaroori hai. Spoken English achi hone se aap mai confidence aajata jo aapko aapke recruitment process mai madad karta hai.
English ek global language hai jo har desh mai use hoti hai. Har business English mai hi hota hai. Aapko job milne par aapka offer letter aur baaki saari details aur formalities English mai hi hoti hai. Isliye aapki English writing aur speaking skills achi hona zaroori hai.
Nayi jageh ya naye mahool mai har kisi ko adjust karne mai toh samay lagta hi hai. Isi tarah jab aap naye office ya job pe jaate hai toh aapko naye logo aur naye mahool mai ghulna milna padhta hai. Spoken English achi hone se aap logo se communicate kar paayenge aur naye mahool mai jaldi adjust karlenge.
Achi job paana ek mushkil kaam hosakta hai agar aap sahi samay par sahi steps ko follow na kare. Aapne dekha hoga ki kuch logo ko job milne mai saalo lag jaate hai aur kuch logo ko kuch hi dino mai job mil jaati hai.
Agar aap sahi steps follow karenge toh aapko English speaking job paane mai zyada samay nahi lagega. English speaking Jobs paane ke important steps hai-
Resume banana ek sabse important task hai. Resume aapke baare mai saari zaroori information batata hai. Aapke resume ke adhaar par aapke job milne ya na milne ke 60% chances hote hai.
Aapke recruiters aapke resume ke basis pe hi decide karte hai ki aapko aage process ke liye select karna hai ya nahi. Isliye apna resume banate samay sabhi important baatho ka dhyaan rakhe jaise-
Aapka resume banane ke baad aap jobs ke liye apply karna shuru kar sakte hai. Aap apply karne ke liye online aur offline dono tariko ko apna sakte hai. Aap direct calls, emails, online websites, agents ya consultancies ki madad se jobs ke liye apply kare. Apply karne ke liye aap apna resume aur appplication form submit kar sakte hai.
Achi jobs paane ke liye aaj kal aapka socially active rehna bohot zaroori hai. Aapko logo se connect karna hoga, apne recruiters se connected rehna hoga, jis company mai aapne apply kiya hai waha ke employees aur staff se connect karke us company ke baare mai jaankari hasil kar sakte hai. Jitne zyada log aapko janenge aapko utne hi jobs offer honge. Koi bhi nayi opportunity aate hi aap use grab kar sakte hai.
Job apply karne ke baad aapko kuch samay ke liye wait karna padhta hai jab tak aapke employer ki taraf se koi reply nahi aajata. Is time ko aap waste na kare aur ise apne English interview practice mai lagade. Jitna zyada aap practice karenge utna acha aap job interview English mai de paayenge. Apni English ko aur fluent banane ki koshish karte rahe aur job interview mai puche jaane wale savaalo ki practice kare.
Yeh hai kuch zaroori steps jinhe follow karke aap English sikh kar jobs paa sakte hai aur apne professional career mai aage badh sakte hai.
English duniya bhar mai bole jaane wali bhasha hai. Yeh language har kaam mai, har desh mai, har umar ke log, har field mai boli aur likhi jaati hai. English sikhne ke liye sabhi kuch na kuch koshish mai lage hue hai. Agar aap bhi ghar baithe English sikhna chahte hai toh Josh Talks ka Online Spoken English course join kare.
Yeh ek aisa English speaking course hai jo lakhon logo ko ghar baithe English sikhane ki suvida de raha hai. Lakhon log is course ki madad se apni Spoken English ko sudhar rahe hai aur aapne dreams ko poora kar rahe hai.
Is online English speaking course mai aapko experts ke through English grammar, vocabulary, pronunciation, daily use phrases, confidence improvement in sub topics par daily lessons aur practice di jayegi woh bhi Hindi mai. Aapko daily video lessons, practice set, PDF notes, weekly tests, lifetime unlimited course access aur certificate of completion bhi milegi. Aap kisi bhi samay koi bhi jagah se is course ko access kar sakte hai.
Toh abhi Josh Skills App download kare aur Josh Talks ke Spoken English course mai enroll hojaye.
Aaj lagbag 1.5 billion log, English bhasha ka use karte hai. Aise mein English learn…
"Hum pichle kuch mahino se apni English Improve karna chah rahe hai aur iske liye…
Is article mai hum aapko batayenge ki how important it is to think in English.…
Aaj hum kuch English mai kuch aisi common mistakes ki baat karenge jo easily avoid…
Hum sab har samay habits ki baat karte hai, ki good habits rakho toh life…